ម៉ារ៉ុក៖ ប្រធានគណៈកម្មការទី៥សភាកម្ពុជា លោក សួស យ៉ារ៉ា ត្រូវបានក្រុមប្រឹក្សាប្រតិបត្តិនៃសភាអន្តរជាតិដើម្បីភាពអត់ឱននិងសន្ដិភាពតែងតាំងជាអនុប្រធាន និងបានដាក់សំណើឈ្មោះទៅកាន់មហាសន្និបាតជាបេក្ខជនប្រធានសម្រាប់ឆ្នាំ២០២៣ផងដែរ។

ក្នុងសេក្ដីប្រកាសព័ត៌មានចុះថ្ងៃច័ន្ទ ទី១៨ ខែកក្កដា អគ្គលេខាធិដ្ឋានរដ្ឋសភាបានឱ្យដឹងថា សេចក្ដីសម្រេចនេះបានធ្វើឡើងក្នុងសម័យប្រជុំពេញអង្គលើកទី១០ នៃសភាអន្តរជាតិដើម្បីភាពអត់ឱន និងសន្ដិភាព (IPTP) នៅរាជធានីរ៉ាបាតនៃព្រះរាជាណាចកក្រម៉ារ៉ុក ដោយមានប្រទេសជាសមាជិក ចំនួនជាង ៦៥ប្រទេសក្នុងចំណោមប្រទេស ៩០ជាសមាជិក។

គួរឱ្យដឹងផងដែរសម័យប្រជុំពេញអង្គលើកទី១០ នៃសភាអន្តរជាតិដើម្បីភាពអត់ឱន និងសន្ដិភាព (IPTP) ធ្វើឡើងនៅរាជធានីរ៉ាបាត នៃព្រះរាជាណាចក្រម៉ារ៉ុក ចាប់ពីថ្ងៃទី១២ រហូតដល់ថ្ងៃទី១៦ ខែកក្កដា ឆ្នាំ២០២២ ក្រោមប្រធានបទស្ដីពីការ «ធានានូវសន្ដិសុខស្បៀងជាបុរ៉េលក្ខខណ្ឌសម្រាប់សន្ដិភាព និងភាពអត់ឱនរបស់សកលលោក»៕